جُـبـيـنـة(1)

كان يا مكان في قديم الزمان هالمرة(2)، لا تحبل ولا تجيب. يوم مرّ بيّاع هالجبنة. قامت قالت: "يا طالبة يا غالبة، تطعمني(3) بنت يكون وجهها ابيظ(4) مثل قرص هالجبنة." الله نطق علسانها حبلت وجابت هالبنت وجهها ابيظ مثل قرص الجبنة، وسمّتها "جبينة".
لمّن كبرت جبينة صارت حلوة كثير، وصرن كل بنات الحارة يغَرِن منها. يوم رُحِن رفقاتها قالنلها: "يلاّ يا جبينة نروح نلقّط دوم." (5) قالتهن: "غير ما تقولن لإمي."
رحن قالن لإمها: "يا ام جبينة، بحياة جبينة تخلي جبينة تيجي معانا نلقّط دوم." قالتلهن: "أنا بخصّنيش(6). روحن قولن لأبوها."
رحن قالن لأبوها: "يا ابو جبينة، بحياة جبينة تخلي جبينة تيجي معانا نلقّط دوم." قالهنّ: "أنا بخصّنيش. روحن قولن لعمتها."
رحن قالن لعمتها: "يا عمة جبينة، بحياة جبينة تخلي جبينة تيجي معانا نلقّط دوم." قالتلهن: "أنا بخصّنيش. روحن قولن لخالتها."
رحن قالن لخالتها: "يا خالة جبينة، بحياة جبينة تخلي جبينة تيجي معانا نلقّط دوم." قالتلهن خالتها: "طيّب خليها تروح."
سحبن حالهنّ هالبنات ورحن يلقّطن دوم. وصلن شجر الدوم، قالن: "أني(7) اللّي بدها تطلعلنا عالشجرة؟" جبينة كانت أزغر(8) وحدة وأعقل وحدة، قالت: "أنا بطلع".
طلعت وصارت تقطّعلهن دوم وتسقّط تحت الشجرة. قالنلها: "إحنا بنملّيلك جونتك"(9). ملّين جونهن دوم، وملّين جونتها حلزون. صارت الدنيا مع الغياب. دشّرنها(10) عظهر الشجرة وروّحن عدورهن(11). جبينة ما عرفتش تطيح عن الشجرة، وصارت الدنيا ليل(12). راحت امها سألت رفقاتها قالنلها: "جبينة ما رحتش(13) معنا".
بعدين، اجا هالخيّال، راكب هالفرس، صارت هالفرس تقدم على هالشجرة وترجع لوَرا(14) خايفة. اتطلّع على هالشجرة، شاف هالبنت. قالها: "طيحي"(15). مارظتش(16)، لأنها خايفة. قالّها: "عليك اللّه وامان الله." بعدين ردّت البنت وطاحت وركّبها وراه عالفرس وروّحها معاه.
بالليل، جبينة دهنت حالها كلها أسود عشان بدهاش(17) حدا يعرفها. الصبح فكروها عبدة، صاروا يردّوها(18) تسرح بالغنم والطرش(19). صارت جبينة كل يوم وهي سارحة بهالطرش تقول:
يا طيورٍ طايرة
في جبالٍ عالية
سلّمن عإمي وابوي
وقولن جبنية راعية
ترعى غنم ترعى نوق
وتقيّل تحت الدالية
وتصير تبكي، وتصير هالطيور تبكي والغنم وهالطرش تبطّل توكل وتصير كلها تبكي.
لاحظ ابن الأمير إنه هالطرش بروح عالمرعى ويروّح(20) بدون أكل، وكل يوم بظعف(21) عن يوم. قال: "والله غير الحقها واشوف شو ماله.
لحق الطرش. لمّن وصلوا عالمرعى، قعدت جبينة وصارت تقول:
يا طيورٍ طايرة
في جبالٍ عالية
سلّمن عإمي وابوي
وقولن جبينة راعية
ترعى غنم ترعى نوق
وتقيّل تحت الدالية
وصارت هي تبكي، وهالطيور تبكي والطرش كله بطّل يوكل ووقّف وصار يبكي، وكل شي موجود حواليها صار يبكي. وهو، ابن الأمير، وقّف وصار يبكي.
المغرب، قالها: "تعالي، قرّي الصحيح. مين إنت، وشو اللّي صار معاك؟"
قالتله: "أنا اسمي جبينة، وصار معي هيذ هيذ هيذ."(22) وقامت هالشحار الاسود عن وجهها وإلاّ هي شو؟ مثل القمر. اجا ابن الأمير امْلَك(23) عليها.
وقاموا هالافراح والليالي الملاح، وتجوّزها، وجابت امها وابوها لعندها.
وجيت من عندهن وجاي.
وطار طيرها، وعليكم غيرها.


الرواية: امرأة، 75 عاماً، من المزرعة الشرقية في منطقة رام الله.

(1) "جبينة" تصغير لكلمة جبنة، وجبينة هنا لا تعني اسماً فقط، بل اسماً بمواصفات معينة، إذ تحيلنا على الشكل المستدير الذي تأخذه أقراص الجبنة المصنوعة من حليب الماعز الأبيض. وهكذا فإن الأم تطلب من الله ابنة ذات بشرة جميلة ووجه مستدير.
(2) هالمرة: هذه المرأة
(3) تطعمني: ترزقني
(4) أبيظ: أبيض
(5) في لهجة قرى منطقة رام اللّه تنطق "الكاف" "تش" و"القاف" "كاف". الدوم أو "شوك المسيح" هو شجرة برية تحمل فاكهة تُؤكَل. وفي المعتقدات الشعبية أن تاج المسيح (عليه السلام) صُنع من فروع هذه الشجرة الشوكية. والاسم العلمي لهذه الشجرة باللاتينية (ZIZYPHUS SPINA-CHRISTI) إنما يعكس هذا المضمون. وهي شجرة معمرة كبيرة الحجم وتعيش لقرون. وفي اعتقادنا أن "الدوم" في الثقافة الشعبية الفلسطينية يطلق على اسم الفاكهة التي تحملها الشجرة، أما الشجرة نفسها فتسمّى "السِدر" أو "السدرة". ويطلق على هذه الفاكهة في بعض المناطق اسم "النبق" أيضا. وهناك أغنية شعبية يرددها الأطفال يقول مطلعها: "يا ام جبينة خلّي جبينة تروح عالدوم".
(6) بخصّنيش: لا دخل لي
(7) أني: مَنْ هي؟
(8) أزغر: أصغر
(9) جونة: سلّة
(10) دشّرنها: تركنها
(11) روّحن عدروهن: رجعن إلى بيوتهن
(12) في رواية أخرى تم جمعها من هذه الحكاية، يبدو الأمر أكثر منطقية، إذ أن جبينة تنزل عن الشجرة فتجد سلتها ملآنة بالحلزون، وعندها تقرر صعود الشجرة لجمع الدوم. وهنا ترفض رفيقاتها انتظارها بحجة أن الظلام حلّ وليس في وسعهن الانتظار.
(13) ما رحتش: لم تذهب
(14) لوَرا: إلى الخلف
(15) طيحي: انزلي
(16) مارظتش: لم ترض
(17) بدهاش: لا تريد
(18) يردّوها: يرسلونها
(19) الطرش: الماشية، ويقال طرش البقر
(20) يروّح: يرجع
(21) بظعف: يصيبه هزال أو ضعف
(22) هيذ هيذ هيذ: كذا وكذا وكذا
(23) أملك: عقد قرانه عليها

由于民间相传酒酿蛋的做法有很多种产后丰胸产品,质量有层次之分,所以喝不同质量层次的酒酿蛋,作用差异也会很大。粉嫩公主酒酿蛋创始人刘燕,祖上就自有一套很好的酒酿蛋的做法,代代相传,通过多年的沉积和堆集,相传到刘燕这一代产后丰胸方法,传统手艺做法与现代科学相结合,通过7年超长周期的研制,发明出了粉嫩公主酒酿蛋,发挥出了酒酿蛋的成效,成果了健康丰胸和内生养颜的必需品丰胸食物,赢得了万千亲们的力捧,获得了广阔丰胸界的共同认可,也因而发明晰粉嫩公主酒酿蛋的品牌专利粉嫩公主酒酿蛋